خانه / زنانه ها / قیز اولدوغوما گوره!/ ذکیه ذولفقاری
ذوالفقاری

قیز اولدوغوما گوره!/ ذکیه ذولفقاری

زنان آذربایجان آذربایجان قادینلاری

گوزوم ساهاتدا قالیب. آللاه به بو قیز هاردا قالدی. بشقابداکی یئمگی قاشیقلا اویان بویانا آتیرام، معدم بولانیر. پنجره دن باخیرام قار مین أللیله یاغیر. خیاوانین ایشیق دستکلری‌نین آلتیندا گوزل بیر منظره گؤرونور. سانکی گویده اولدوزلار گئینیب تویا گئدیرلر. “بوردا بئله یاغیر، یامدا ایندی کولکدی” أریمه دئدیم.
“یام باغلیب ایندی”. دئدی
دونن گئجه قیزیم: مامان من صاباح ماشینی آپاراجام ها.
“یوخ بالا میه گؤرموسن هاوالارین شاختاسین قارین. ایندی چیله دی هئش کیم ماشین چیخارتمیر. تک تنها قیش گئجه‌سی جاده ده نه آختاریسان سن؟ بالامسان اؤزون چیخ گئت بیزی خاطایا قویما أماندی.
“منه گلنده قیش اولور تک چیخانمیرام دا هن؟ به نیه داداش هر واخت گؤیلو ایستیر آپاریر. یای قیشدا بیلمیر. گئجه یاریسی گلیر اونا بیر سؤز دئیه‌ن یوخدو. منه گلنده چون قیزام اولماز دا هن؟
بئینیم لاخلاییر قیزیمین سؤزلری ‌ذهنیمده رژه گئچیر. او حاقلیدی آما گؤرسن منیم گوناهیم ندی.
ساهاتا باخیرام اونو گئچیر. بشقابی ایتلیرم دالی. معدم بولانیر قالخیرام. ائوین هاواسی چوخ نملیدی بوغولماق حالدایام. ساماوارین خورتون آلیرام. کیشیم هله ده یئییر. اورگیمده دئییرم کشکه منده سنه تای اولاردیم.
گئدیب هالدا مبل اوستونده اوزانیرام گینه زنگ آچیرام…….. هر زنگ چالدیقجا قلبیمین دویونتوسو چوخالیر. بیر آز چالیراؤز اؤزونه کسیلیر زنگ.
ائو تیلفونون گؤتوروب یول پولیسینی توتورام. هاندان گئژدن بیری آچیر. سسیم تیتریه تیتریه: باغیشلاین…
” یام بتر کولکدی خانیم واجیب ایشینیز اولماسا ائشیه چیخمایین. تکرلره حتما زنجیر باغلایین. “دئیب سس کسیلیر.
” گینه باشلادین قیز اوغلان بحثین. بیلیسن بیزیم ائوده ائله بیرفرقلر اولماز…….” دئدیم
” یاخجی مامان هه اولماز. به بو ندی بس. من صاباح ماشینی آپاراجام  “دئیه قیشقیرا قیشقیرا من سیزه نئجه ایناندیریم منله داداشین فرقین یوخدی.”؟
هه فرقی یوخدی بوشلا بو بوش سؤزلری، قیش گئجه سی ماشین یولدا قالدی، آلاه ائلمسین بیر قضا اولدی نئینرسن تک تنها بیر قیز؟ أریم دئدی.
قیز! قیز!قیز…دا یورولدوم بابا بو کلمه دن … داداش نئینه سه منده او ایشی گؤررم.
باشیم گوپپولدور. مین جوره فیکر خیال ذهنیمه گلیر. کاش سحر تئز دوروب سوویچی گیزلدردیم.
“باخ بو قیز دوز سنین اؤزون کیمیندیر. ائله اوشاغین قولاغینا اولدن برابرلیق آیه سی اوخوسان بوندان آرتیق اولماز. بابا او گره بیله قیزدی بو جامعه ده.”
” نه ربطی وار؟”
“ربطی بودو دا ایندی سکته ائلرسن”
اوشاق واختی بولار ساواشاندا ،هر هانکیسی منی سسلسیدی، دئیردیم منه نه اؤلدورون بیر بیریزی!آما سسیز گلمسین. اینصافا ده قیزیم بالاجالیغیلا اوغلوما زور گلردی. بودا منی سئویندیرردی. من ائله، بئله بیر قیز تربیت ائتمک آرزیسیندایدیم. آما نیه ایندی قلبیم آغزیما گلیر آی آللاه…
“قیزیم بو جامعه ده قیزلارا اولان خطرلر اوغلانا یوخدی. گئجه قارانلیقدا جاده ده قیزین باشینا هر اویون گتیررلر سورا اؤلدوروب آتارلار بیر طرفه هئش کیمین ده روحونون خبری اولماز. آما اوغلانا بو خطر لریوخدی.یوخسا ماشین سورمکده سن اوندان یاخشیسان.
أریمه دئدیم: سن راحات گئت باشین قوی خورولدا. سکته ائلمرم قوخما.
دوردوم بیر باش آغری داواسییلا اعصاب داواسی کشودان گؤتدوم. باشلادیم هالدا آتدیملاماغا چیراغلارین هامیسن یاندیردیم. یئنه ائو قارانلیغیدی نم ندن. آینانین اؤنوندن گئچنده اوزومه باخدیم دوز اولولر کیمیدیم. مطبخا گئچدیم أریم ماسانین اوستون ائله اؤتوروب گئدیب یاتمیشدی. نه بختورسن دئدیم کیشی. کشکه منده بیر کیشی اولایدیم.اؤز اؤزومه دئدیم.
أل آتدیم یغییشدیرماغا. لیوانی قویدوم بشقابین ایچینه. ألیم تیتریردی بیلمدیم نئجه اولدو لیوان سوروشدو دوشدو یئره شاقیلدایب تیکه لری هر طرفه داغیلدی. وای دده بیر بو اسگیدی دئدیم. موبایلیم زنگ چالدی بشقابیدا تولادیم قاچدیم.
“مامان سلام زنگ ورویدون… گلیرم دانیشگاه قاباندایام”
زهرمار مامان چور مامان! مامانسیز قالاسیز دئدیم قیشقیردیم.
آیاغیم بتر آجیشدی. أیلدیم شوشه نی چیخاتدیم. قاچدیغیم یولار بوتون قانیدی.
أریمین خورولدوسو چوخالمیشدی…

این مطلب هم بخوانید

رقیه کبیری

سیزیف افسانه‌سی/ رقیه کبیری

زنان آذربایجان آذربایجان قادینلاری تیققیلتی سسی ائشیدیرسن. بوٍلورسن قوْنشونون قاپیسی ایشگیللندی. گؤزلریوی آچیرسان. بولورسن ساعات …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *