خانه / زنانه ها / میزیلتی/ فرانک فرید(ایپک)

میزیلتی/ فرانک فرید(ایپک)

ائله میزیلدانیرام

هر دیله بنزه‌سین دیلیم
باشا دوشن‌لرین
اَلیندن اؤپه‌جه‌یم!

قولاق‌لاری اوخشاییرام، پیچیلداییرام
سسیم اورگیمه قووُشور، اورگیم قانیما
قوشولورام سس‌سیزلیگه، سؤزسوزلوگه

سوسقون‌لارین اورتاغی تک،
لال‌لارا، دیلسیزلره، دیل آچمایان‌لارا
قوشولورام سؤزلری اولوب، سوسان‌لارا
دیرین دیرین اَسیب دؤزن‌لره
یورولوب سس‌دن دوشن‌لره
سوسورام،
سوسورام،
سوسورام . . .

چیبانیم چیرپینیر، زوقولداییر آنجاق،
زوققو دیلیمده زیققیلدانیر
قوشولورام سیزیلدایان‌لارا
قاچیرام،
قاچیرام،
قاچیرام…

خسته‌خانالاردا دولانیرام
یورقان‌ـ‌‌دؤشک‌لره دوشورم،
دیوارلاردان یاپیشیرام

قووُشورام آجی‌دان بوغولان‌لارا،
قوشولورام باش‌لاری بدن‌لرینه
آغیرلیق ائله‌ییب
باغیران‌لارا!

قوشولورام
سانجی‌دان دوغرانان‌لارا؛ دوغان‌لارا
آنادان اولوب، چیغیران‌لارا!

منبع: ایشیق

این مطلب هم بخوانید

رقیه کبیری‌نین «مارینا تسوه تایوا اوچون» شعر توپلوسوندان ترجمه/ سودابه تقی‌زاده زنوز

گول، یالنیزلیغین یاراشیغی‌دیر خانیم مقدس تیکانلی تاجا بنزه‌یر آغ ساچ‌دا قیرمیزی سانجاغا ساری و نارینجی …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *