خانه / زنانه ها / گونشه داریخیرام/ ترجمه: سودابه تقی‌زاده زنوز
سودابه تقی زاده زنوز

گونشه داریخیرام/ ترجمه: سودابه تقی‌زاده زنوز


دلم هوای آفتاب می کند/ سیاوش کسرائی

بولوتلار، قاپانمیش گؤی‌لر و سویوق اتاغین سیخیجی حالی
آ‌‌ی‌ین بوتون گونلرینی
اومودسوزلوغا بولاییب، موردارلاییر
و من سنی دوشونرک، ای دمیر قاپیجیق‌لارین آرخاسیندا پارلایان اؤلکه
گونشه داریخیرام!

ماوی رنگلی سویونا و گؤیونه
باشی‌اوجا داغلارینا
چیچکلی دوزنلیکلر، کولگه‌لی دره‌لرینه
چالیشقان خلقینه،
توپ-توپ توپلانمیش آغریلار اوستونه آغریلار
یولوندان دؤنمه‌ین قوجامان توپراقلارینا موبارک!
عمر آتیم یورقون تنیمین آلتیندا
باش آلیب باشقا یئره چاپدیرسا دا
من سنی دوشونورم!

نه بیر تانیش، نه بیر سیرداش
نه بیر آنلیق چیین‌لرینه سؤیکنه ‌بیلجک بیر یولداش
بیر سنسن، اضطیراب- قورخولارینلا بیر سن
بیر سنسن، سیغیناجاقسیز بیر سن
تانیش دئییل هئچ بیر شهر،
باغ،
چای
تانیش دئییل هئچ بیر ائو،
کوچه،
یول
هئچ بو صحبت ده، بیزیم سئودگیمیز صحبت دئییل
سن بو درمانسیز آجی‌لارلا
بو جاوابسیز سوال‌لارلا
کیمه دؤنرسن، قوولاجاقسان
هارا گئتمک ایسته‌ییرسن؟ هارا؟

کیمسه یورقون اینسانین ائوینی
وارلیغی ایله ایشیقلاندیرماز
آدینی چکمه‌ییب، سؤز-صحبت ایله
روحونا اوخشاماز
گئجه یاریسی‌نین گؤز یاشلاری
قورتاریجی اولسا دا
من،
دوستلارلا ایله‌شیب، سرخوشام، خوشام،
دئمک، گولمک، ایچمک، شعر ایله صحبت
هر هانسی دیل، هر هانسی طرز ایله دانیشیرسان دانیش
سؤز بیرلیک و ایلقاردان
ابدیلیکدندیر، دوستجاسینا!
آمان خیال‌لار الیندن،
آمان!
منیمله اوینامادیغی اویون قالمایان
سینیق-سالخاق یوخولاردان!

سحر پارلادیغیندا قاپی‌جییغیم
هله ده سیخیجی بولوتلارلا دولودور
اما من
ای پارلایان اؤلکه
اوره‌ییم سنین گئجه‌لرین
کؤکسوم سنین ایشیق سئور اجاغین کیمی‌دیر
دئمیشدیم کی
گونشه داریخیرام…

این مطلب هم بخوانید

رقیه کبیری

سیزیف افسانه‌سی/ رقیه کبیری

زنان آذربایجان آذربایجان قادینلاری تیققیلتی سسی ائشیدیرسن. بوٍلورسن قوْنشونون قاپیسی ایشگیللندی. گؤزلریوی آچیرسان. بولورسن ساعات …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *