خانه / زنانه ها / رقیه کبیری دن ایکی یئنی اثر نشر ائدیلدی
آجلیق باراتاسی

رقیه کبیری دن ایکی یئنی اثر نشر ائدیلدی

 

رقیه کبیری‌ دن «آجلیق باراتاسی» و «ائندیم بولاق باشینا» آدلی ایکی یئنی اثر نشر ائدیلدی.

«اختر» نشریاتی و «حمید بخشمند» جنابلاری‌نین ویراستارلیغی ایله نشر اولونان «آجلیق باراتاسی» رمان‌دیر.

آجلیق باراتاسی

«ائندیم بولاق باشینا» ایسه یایلاق سفرلریندن آلینان یازیلاردیر.

ائندیم بولاق باشینا کیتابی دا آجلیق باراتاسی کیمی اختر نشریاتی و حمید بخشمندین ویراستارلیغی ایله ایشیق اوزو گؤروبدور.

ائندیم بولاق باشینا

«آجلیق باراتاسی» رمانیندان بیر پارچا:

روس سالداتی توٍفنگین قونداغینی قَوخانا نین قاپیسینا دؤیوب، открой دئیه- دئیه آز قالیر قاپینی چرچیوه‌دن قوپارتسین. حلقه‌- رزه‌سی ایچریدن سالینمیش قاپی یئرینده لاخلاییر. سالدات بیر آز دا گوٍج وئرسه حلقه- رزه‌نین زنجیری قیریلیب، قاپی آچیلاجاق.
ناییب‌قاضی درحال یئریندن سیچراییب روس سالداتینا طرف قاچاندا سالدات اونا بَرخود اولدو. توٍفنگی قاپیدان گئری دؤنده‌ریب، اونون سینه‌سینه ساری توشلادی. ناییب سالداتا بیر آددیم قالمیش دایاندی.
Стой на месте! Я не с тобой- ….: Стой на месте! Я не с тобой
ناییب‌قاضی روس دیلینی باشا دوٍشمه‌سه ده آنجاق سالداتین بدنینین دیلیندن آنلادی کی بیر آددیم ایره‌لی آتسا سالدات توٍفنگین تَه‌تییینی چکه‌جک.
سالدات قَو‌خانانین باغلی قاپیسینا اشاره ائدیب، یئنه روس دیلینده دانیشماغا باشلادی.
Я матрёшка, матрёшки, матрёшка –
ناییب‌قاضی ماتروشکا سؤزونو ائشیتجک غضبدن پؤرتوشدو. بو سؤز ناموس یامانی کیمی‌ایدی. آج سالداتلار کوچه- بازاری گزیب ماتروشکا آختاردیقلاریندا جماعت قورخولاریندان قیز- آروادلارینی اوْدون، کؤمور- خکه آنبارلاریندا، سؤنوک تندیرلرده، یوْرقان- دؤشک باغلیلارینین دالیندا گیزله‌دیردیلر.

**
открой: تلفظ: (آتکروی) آچ قاپینی!
– : Стой на месте! Я не с тобой: تلفظ: (استوی نا مسته!) ترپنمه! دوردوغون یئرده دایان، دئدیم!
– Я матрёшка, матрёшки, матрёшка: تلفظ: (یا ماتروشکا،…) من ماتروشکا ایستیرم، ماتروشکا

این مطلب هم بخوانید

یوخلوغوموزدا یانماق؛«مرضیه احمدی اسکویی‌»نین خاطیره‌سینه/ علی حسن اوغلو

بیر دئییل کی،– میلیون اوره‌ک – میلیونلاردا یاشاییرسان؛ میلیون – میلیون آرزولاری اؤز آدینلا داشییرسان!. …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *